NOS HISTORIA
Na aña 1985, dia 14 di Juli, famia Werleman a muda for di Aruba pa bin biba Bonaire.
Esaki tabata un desishon despues ku Lago di Aruba a sera su portanan, lagando hopi famia di Aruba sin trabow, incluyendo Sr. Marcelo, kabes di famia.
Famia na Bonaire, di parti di Sra. Florecita Werleman- Damascus, a risibi nan ku man habri, ora nan a jega Bonaire. Un desishon hopi duru, pero ku awe nos por mira bek komo e miho desishon tuma.
E idea di bin ku un wasserette a surgi na momentu ku famia Werleman a bai Venezuela fakansi prome ku nan bin radika na Bonaire.
Un pareha ku 3 yu mester a laba paña despues di nan prome siman di fakansi. Na Venezuela nan a bin mira un wasserette kaminda sra. Florecita a bisa su kasa, ku esaki ta un bon idea pa kuminsa na Bonaire.
Dia 1 di September 1985 Famia Werleman a korta sinta di e prome wasserette na Bonaire Magero Laundromat ,situa na supermarket Cultimara e tempu aja. Awendia ta kaminda ta e entrada di Top Supermarket. Un espacio di apenas 4 meter pa 6 meter.
MaGeRo ta dedusi di e prome 2 leternan di nan 3 yunan, di mayor bai chikitu, esta Madaline, Gerald y Rose-Ann.
Famia Werleman, huntu ku famia Damascus tabata e prome trahadornan di MaGeRo Laundromat.
Despues di 3 aña Magero a expande bai na su localidad actual banda di Stadion di Playa, kaminda nan a introdusi Strikamentu.
E kresementu di Magero no a para, na aña 1993 Magero y algun stakeholders Hulandes a uni pa asina establese Caribbean Laundry Service, un laundry industrial ku ta duna servicio na hotel, restaurant y hospital.
Na aña 2000 famia Werleman a sigi implementa mas forma di laba y sanatisa paña, e biaha aki introduciendo Dry Cleaning.
Edificio na kaya Gilberto F Croes, poko poko a bira chikitu pa tur e servicionan ku Magero y Caribbean Laundry a bin ta ofrese na e pueblo di Bonaire. Na Aña 2010, pa ta eksacto 4 di September, a habri departamentu di Self Service, kual a muda di e edificio anterior pa esun eksistente. Akinan a pone 3x mas wasmashin I droger y a alarga oranan ku por bin hasi bo laba y seka.
Dia 1 di September 2023 Marcelo Werleman y Florecita Werleman Damascus a duna konfiansa na nan 2 yu muhe nan, Madaline y Rose-Ann, pa asina tuma over e mando diario di e kompanianan Magero y Caribbean Laundry.
Dia 23 november 2024 Magero y Caribbean Laundry a haña un filial extra na Rincon, esta Washi Laundry Café and More…
Magero Laundry ku su 40 aña, huntu ku su rumanan Caribbean Laundry y Washi Laundry & More…. Lo sigi duna nan mas miho servicio na pueblo di Bonaire.
